Bugun, 5-iyun kuni Samarqand viloyati Narpay tumanidagi bozorda yirik yong‘in sodir bo‘ldi. Holat bo‘yicha viloyat FVB axborot xizmati ma’lumot berdi.
Qayd etilishicha, yong‘in “Sari bozor” MFY hududida joylashgan oziq-ovqat do‘konlarida sodir bo‘lgan. Voqea joyiga 5 ta yong‘in-qutqaruv ekipajlari jalb etilgan va 22:10 da yong‘in to‘liq bartaraf etilgan.
Hodisa oqibatida hech kim tan jarohati olmagan. 3 ta oziq-ovqat do‘konlarining taxminan 70 kvadrat/metr maydonida shift, tom qismi va oziq-ovqat mahsulotlari yonib, zararlangan. Hozirda tergovga qadar tekshirish ishlari olib borilmoqda.