Сердар Ортач озодликдан маҳрум қилинди
Бунга ноқонуний гаров тарғиботи ва рекламаси сабаб бўлган.
Машҳур қўшиқчи Сердар Ортач ноқонуний гаров тарғиботи ва рекламаси билан боғлиқ суд жараёнида 10 ойга озодликдан маҳрум қилиш ва 400 лира миқдорида жарима жазосига ҳукм қилинди. Бироқ, суд ҳукмнинг эълон қилинишини кечиктиришга қарор қилди.
Суд мажлиси бугун Истанбул Адлия Саройининг 25-Аслие Жиноят судида бўлиб ўтди. Прокурор томонидан Сердар Ортачга 3 йилгача қамоқ жазоси сўралган эди. Шунингдек, суд унга қўлланган уй қамоғи тарзидаги назорат чораларини ҳам бекор қилди.
Истанбул Бош прокуратураси томонидан ноқонуний гаров тарғиботи бўйича олиб борилган тергов натижасида Сердар Ортач ва актёр Меҳмет Али Эрбил судга юборилган эди. Уларнинг ҳар иккисига ҳам дастлаб уй қамоғи жазоси тайинланган, бироқ кейинчалик ушбу қарор бекор қилинган эди.
