Шаҳрисабздаги заправкада машина ёниб кетди
Ҳолат юзасидан ФВБ маълумот берди.
Қайд этилишича, бугун 28 декабрь куни соат 08:45 лар атрофида Шаҳрисабз шаҳар Фавқулодда вазиятлар бўлимига автомобиль ёнаётганлиги бўйича хабар келиб тушган.
Хабарга кўра, воқеа жойига 5 та ёнғин-қутқарув бўлинмаси соат 08:48 да етиб бориб, ёнғинни 09:51 да тўлиқ ўчирган.
Аниқланишича, автомобилларга ёқилғи қуйиш шохобчаси ҳовлисида “Зил 130” русумли автомобиль ёнган. Ёнғиндан ҳеч ким тан жароҳати олмаган, ҳозирда ёнғин сабаби ва зарари аниқланмоқда.
