Шавкат Умрзоқов Тошкент ҳокими бўлди
У бу лавозимда ҳоким вазифасини бажарувчи сифатида ишлаб келаётганди.
Шавкат Умрзоқов Тошкент шаҳри ҳокими этиб тасдиқланди. Бу ҳақда шаҳар ҳокимлиги маълум қилди.
У 2023 йилнинг март ойида Тошкент ҳокими вазифасини бажарувчи этиб тайинланган эди.
Маълумот учун, Шавкат Умрзоқов 1979 йилда туғилган. 2011 йилнинг июнь ойидан 2013 йилнинг сентябригача Тошкент вилояти прокуратурасида уюшган жиноятчилик ва коррупцияга қарши курашиш бошқармаси бошлиғи лавозимида ишлаб келган. 2013-2018 йилларда Ўзбекистон Бош прокуратураси ҳузуридаги Уюшган жиноятчилик ва коррупцияга қарши курашиш департаментини бошқарган. Умрзоқов «Ўзавтосаноат» компанияси раиси лавозимида ҳам ишлаган.
