Yaqinda Toshkent viloyatining sobiq hokimi Davron Hidoyatov Nurafshonda Zulfiya Zokirova haykalini qurish uchun 28,4 milliard so‘m ajratili haqida qaror imzolagandi.
Viloyatning yangi hokimi Zoyir Mirzayev Nurafshon shahrida Zulfiya Zakirova nomiga haykal majmuasini qurish va atrofini obodonlashtirish hamda “Nurafshon Business City” hududida zamonaviy kutubxona binosining qurilishinit bekor qildi. Bu haqda viloyat hokimining tegishli farmoyishi qabul qilindi.
Ushbu maqsadlar uchun ajratilgan 34 400 000,0 ming (o‘ttiz to‘rt milliard to‘rt yuz million) so‘m mablag‘ viloyat mahalliy byudjetiga tiklangan holda — viloyatdagi nogironligi bo‘lgan, kam taʼminlangan, ijtimoiy himoyaga muhtoj fuqarolarning uy-joylarini taʼmirlash uchun viloyat “Saxovat va ko‘mak” jamg‘armasiga o‘tkazib berish maqsadida viloyat hokimligiga 1 650 000,0 ming (bir milliard olti yuz ellik million) so‘m mablag‘ ajratildi.
Eslatib o‘tamiz, avvalroq Zoyir Mirzayev Toshkent viloyati hokimi etib tayinlangani hamda u Toshkent viloyatida ilk "hokimlik soati" o‘tkazgani haqida xabar berilgandi.