Яқинда Тошкент вилоятининг собиқ ҳокими Даврон Ҳидоятов Нурафшонда Зулфия Зокирова ҳайкалини қуриш учун 28,4 миллиард сўм ажратили ҳақида қарор имзолаганди.
Вилоятнинг янги ҳокими Зойир Мирзаев Нурафшон шаҳрида Зулфия Закирова номига ҳайкал мажмуасини қуриш ва атрофини ободонлаштириш ҳамда “Nurafshon Business City” ҳудудида замонавий кутубхона биносининг қурилишинит бекор қилди. Бу ҳақда вилоят ҳокимининг тегишли фармойиши қабул қилинди.
Ушбу мақсадлар учун ажратилган 34 400 000,0 минг (ўттиз тўрт миллиард тўрт юз миллион) сўм маблағ вилоят маҳаллий бюджетига тикланган ҳолда — вилоятдаги ногиронлиги бўлган, кам таъминланган, ижтимоий ҳимояга муҳтож фуқароларнинг уй-жойларини таъмирлаш учун вилоят “Саховат ва кўмак” жамғармасига ўтказиб бериш мақсадида вилоят ҳокимлигига 1 650 000,0 минг (бир миллиард олти юз эллик миллион) сўм маблағ ажратилди.
Эслатиб ўтамиз, аввалроқ Зойир Мирзаев Тошкент вилояти ҳокими этиб тайинлангани ҳамда у Тошкент вилоятида илк "ҳокимлик соати" ўтказгани ҳақида хабар берилганди.