Mushtariy Kamilova o‘z chiqishida mazkur voqeaga keng to‘xtalib, o‘z orzulariga yetishishida bu voqea to‘g‘anoq bo‘lganini aytdi. U nutqi davomida ayblovni to‘liq ikkinchi tomon yaʼni Pedagogika universiteti dekan o‘rinbosariga yukladi.
“Do‘stlarim, sevimli ishim, o‘qishim va kelajak uchun katta rejalarim bor edi. Lekin 2021 yilning 18 oktyabr kuni sanoqli soniyalarda hammasini yo‘qotdim. Mening orzularim va hayotimni o‘g‘irlagan inson ismi — Yuldashbek Bog‘abayev. Mening universitetimda dekan o‘rinbosari lavozimida ishlagan, mening nomusimga tegishga harakat qilib, so‘ng derazadan uloqtirdi. O‘sha paytda biron suyagim omon qolmagan deb o‘yladim, og‘riq shu qadar kuchli edi. Baʼzan, hozir uyg‘onaman-u, barchasi oddiy tush ekanligi bo‘lib chiqadiganday tuyuladi”, – deydi u.