Столтенберг Украинанинг НАТОга аъзо бўлиш шартини эълон қилди
Украина Россия устидан ғалаба қозониши керак.
НАТО бош котиби Йенс Столтенберг Украина Қуролли кучларининг қарши ҳужуми Киевга бўлажак музокаралар учун ўз позициясини мустаҳкамлаш имконини беришини айтди. Бу ҳақда у АҚШ давлат котиби Энтони Блинкен билан музокаралар якунлари чоғида бўлишди, деб ёзади «РИА Новости».
«Украиналиклар ҳужум бошлади, улар олға силжиб, ўз позицияларини мустаҳкамламоқда», – дея таъкидлади альянс бош котиби.
Столтенбергнинг сўзларига кўра, «украиналиклар қанча кўп ҳудудларни қайтариши мумкин бўлса, уларнинг музокаралар столидаги позициялари шунчалик мустаҳкам бўлади».
Аввалроқ Шимолий Атлантика альянсининг Европадаги собиқ бош қўмондони ўринбосари Ричард Ширрефф эҳтимолий можарода НАТО Россияга қаршилик кўрсата олмаслигини айтган эди. Шунингдек, у 2022 йилда Мадриддаги саммитда Столтенберг НАТО юқори тайёргарликдаги кучлар сонини 300 минг кишига етказишини эълон қилганини, аммо бу амалга ошмаганини эслатди.
