Темурийлар даврига оид ноёб Қуръон қўлёзмасининг факсимилеси нашр этилади
Ҳозирда ушбу нодир қўлёзма Туркияда сақланмоқда.
Темурийлар даврида Шайх Шамсиддин Бойсунғурий томонидан кўчирилган, бугунги кунда Туркиядаги Турк ва ислом санъати музейида сақланаётган ноёб қўлёзма нусхасининг факсимилеси нашр этилади.
Бу ҳақида Самарқандда бўлиб ўтаётган Ўзбекистон маданий меросини сақлаш, ўрганиш ва оммалаштириш бўйича Бутунжаҳон жамияти (WOSCU)нинг "Буюк аждодлар мероси — III Ренессанс асоси" VIII халқаро Конгрессида маълумот берилди.
Бу йилги Конгресс Ислом цивилизацияси маркази билан ҳамкорликда ўтказилмоқда ва асосий эътибор Марказий Осиёдаги ислом тарихи ва санъатига қаратилмоқда.
