Техасда меҳмонхона портлади — видео
Оқибатда, 21 киши жабрланди, улардан бири оғир аҳволда.
АҚШнинг Техас штатидаги Форт-Уэрт шаҳрида жойлашган Сандман меҳмонхонасида газ портлаши оқибатида 21 киши жабрланди.
Жабрланганлардан бири оғир аҳволда.
Аввалроқ, маҳаллий CBS телеканали MedStar тез ёрдам хизматига таяниб, 11 киши жароҳатлангани ҳақида хабар берган эди.
Барча жабрланганлар касалхонага ётқизилган, тўрт киши оғир яраланган. Воқеа гувоҳларидан бирининг телеканалга айтишича, портлашдан олдин табиий газ ҳиди келган, кейин меҳмонхонанинг бутун иккинчи қавати чанг ва тутунга тўлган. Унинг сўзларига кўра, портлаш зинапоялардан бирини вайрон қилган, шунинг учун у ва бошқа одамлар бинодан чиқиб кетиш учун пастга сакрашга мажбур бўлган.
