Jizzax shahrida tez yordam mashinasi 48 yoshli ayolni urib yubordi. Holat aks etgan video ijtimoiy tarmoqlarda tarqaldi.
Unda ayol va yana bir qiz yo‘lni piyodalar yo‘lakchasidan kesib o‘tayotganda katta tezlikda kelgan tez tibbiy yordam mashinasi ayolni urib yuborganini ko‘rish mumkin.
Viloyat YHXB matbuot xizmatining ma’lum qilishicha, voqea 23-may kuni soat 8:30 larda Sharof Rashidov ko‘chasida sodir bo‘lgan. Tez yordam mashinasi urib yuborgan piyoda 1976-yilda tug‘ilgan ayol bo‘lgan.
U og‘ir tan jarohatlari bilan Respublika shoshilinch tez tibbiy yordam ilmiy markazi Jizzax viloyati filialining jonlantirish bo‘limiga yotqizilgan.