IQAir portalidagi maʼlumotlarga ko‘ra, Toshkent havoning ifloslanish darajasi bo‘yicha 28 yanvar kuni dunyoning yirik shaharlari orasida 1-o‘ringa chiqdi.
Bugun soat 14:00 holatiga Toshkent havosidagi PM 2,5 dispers zarralarining konsentratsiyasi 184 mkg/m3 ni tashkil etdi. PM 2,5 konsentratsiyasi JSST havo sifati bo‘yicha tavsiya etilgan yillik o‘rtacha ko‘rsatkichdan 36.8 baravar yuqori.
Shuningdek, ijtimoiy tarmoqlarda fuqarolar Toshkent viloyatidan poytaxt osmoniga qaralsa chang va qara tutunlar qoplab olganini ko‘rishganini videolari bilan eʼlon qilishmoqda.