2022 yilning 5 mart sanasi Yunusobod tumani IIO FMB profilaktika inspektori leytenant Xudoyberdiyev Behruz Nurali o‘g‘li uchun unutilmas kunga aylandi. Bu haqda Toshkent shahar IIBB matbuot xizmati xabar qilmoqda. Ma’lum qilinishicha, shu kuni Behruzning rafiqasi Kamola 4 nafar farzandni dunyoga keltirdi. Uch o‘g‘il va bir qiz.
Eslatib o‘tamiz, 25 yanvar kuni qibraylik Javohir Toirov va Malika Toirova oilasida ham 4 egizak — ikki o‘g‘il va ikki qiz dunyoga kelgan edi. Yosh oila farzandlariga Muhammadrizo, Muhammadsolih, Sofiyaxon va Samiyaxon deb ism qo‘ygan.