Ijtimoiy tarmoqda ayol kishi yosh bolani urganligi aks etgan video tarqalib, turli muhokamalarga sabab bo‘lmoqda. Holat yuzasidan rasmiy munosabat bildirildi.
Aniqlanishicha, 2022 yilning taxminan avgust oylarida 1997 yilda tug‘ilgan L.M. Shayxontohur tumanida joylashgan yashash xonadonida farzandi — 2020 yilda tug‘ilgan R.S. ga qo‘pol munosabatda bo‘lib jahl ustida urgan.
Mazkur holat yuzasidan Shayxontohur tumani IIO FMB huzuridagi Tergov bo‘limi tomonidan O‘zbekiston Respublikasi Jinoyat kodeksining 110-moddasi (“Qiynash”) bilan jinoyat ishi qo‘zg‘atilgan.
“Tergov harakatlari davom etmoqda, yakuni bo‘yicha qonuniy qaror qabul qilinishi taʼminlanadi”, deyiladi xabarda.