Тошкентда ўқитувчиларнинг мажбурий навбатчилиги тўғрисида хабар тарқалди
Тошкент шаҳар мактабгача ва мактаб таълими бошқармаси муносабат билдирди.
Блогер Никита Макаренко ўзининг Telegram-каналида мустақиллик байрами муносабати билан Тошкент шаҳридаги мактабларда тунги ва кундузги навбатчилик йўлга қўйилаётгани ҳақидаги хабарни эълон қилди. Хабарда келтирилишича, навбатчилик 25 августдан 10 сентябргача белгиланган.
Мазкур хабарга муносабат билдирган Тошкент шаҳар мактабгача ва мактаб таълими бошқармаси юқоридаги хабарни ёлғонлигини билдирди.
Қайд этилишича, ҳозиргача бошқарма ҳамда туман мактабгача ва мактаб таълими бўлимлари масъуллари томонидан бирорта таълим муассасаси маъмуриятига байрам ёки бошқа сабаблар туфайли ўқитувчилар навбатчилигини йўлга қўйиш топшириғи берилмаган.
Шунингдек, бошқарма хабар муаллифидан бу каби ёлғонлар тарқатмаслигини, мабодо шундай ҳолатга гувоҳ бўлса Тошкент шаҳар мактабгача ва мактаб таълими бошқармасига мурожаат қилишни сўраган.
