Maʼlum qilinishicha, NY 686-sonli “Sochi-Toshkent” yo‘nalishi bilan uchib kelgan havo kemasida tekshiruv olib borilgan.
Tekshiruv davomida Toshkent viloyatida yashovchi fuqaro E.J. havo kemasi bortida bo‘lgan vaqtida spirtli ichimlik isteʼmol qilgan. Oqibatda u mast holda “Uzbekistan Airways” AJ bort-kuzatuvchisi bo‘lgan, 2002 yilda tug‘ilgan S.A. ga nisbatan shilqimlik va tegajog‘lik qilganligi aniqlangan.
Holat yuzasidan Toshkent shahri aeroportlarida XTB HPB inspektorlari tomonidan MJtKning 187 moddasi 1-qismi va 411- modda 1-qismi bilan hujjatlar rasmiylashtirilgan.
Bugun, 7 yanvar kuni JIB Toshkent shahar Sergeli sudiga hujjatlar taqdim qilinib, xuquqbuzar E.J.ga nisbatan 5 sutka maʼmury qamoq jazosi tayinlangan.
Shuningdek, jamoat joyida spirtli ichimlik isteʼmol qilganligi uchun BHMning 1 barobari miqdorida jarima jazosi tayinlangan.