Bugun, 27-mart kuni Toshkent shahrining Shayxontohur tumanida joylashgan ko‘p qavatli binoda yong‘in sodir bo‘ldi. Yong‘in haqida Toshkent shahar Favqulodda vaziyatlar boshqarmasiga soat 12:06 da xabar berilgan.
Shunga ko‘ra, yong‘in-qutqaruv ekipajlari aytilgan manzilga soat 12:10 da yetib borib, yong‘in soat 12:29 da qurshab olingan va soat 12:31 da o‘chirildi.
Rasmiy ma’lumotlarga ko‘ra, yong‘in natijasida halok bo‘lgan va jabrlanganlar yo‘q. Hozirda yong‘inning kelib chiqish sababi va moddiy zarar miqdori aniqlanmoqda.