Трамп: АҚШ аскарлари хавф остида
Дональд Трамп АҚШ фуқароларини ва улар билан ҳамкорлик қилган афғонистонликларни эвакуация қилиш учун жўнатилган АҚШ ҳарбийлари хавф остида деб ҳисоблайди. Бу ҳақда собиқ президент Newsmax каналига берган интерьвюсида айтиб ўтди.
“АҚШ фуқаролари ва улар билан ҳамкоролик қилганларни олиб чиқмасдан туриб қўшинларни олиб чиқиш-аҳмоқлик” деган Трамп.
Собиқ президентнинг айтишича, эндиликда ҳарбийлар Афғонистонга қайтяпти ва улар Кобулда жуда кучли рақиблар билан учрашмоқда. Трамп “улар 200 йил давомида жанг қилишган, улар (толиблар) нинг қилган иши фақат уруш. Биз аскарларни ортга қайтаряпмиз. Фикримча уларнинг ҳаёти хавф остида”-деб айтиб ўтган.
Бундан аввал Трамп АҚШ қўшинлари олиб чиқилиши ортидан Жозеф Байденнинг истеъфосини талаб қилган эди. Шунингдек, у Афғонистондаги вазиятни АҚШ тарихидаги энг йирик мағлубиятлардан бири эканлигини айтиб ўтган.
Эслатиб ўтамиз, Жо Байден эвакуация жараёни тугагандан кейин АҚШ қўшинлари тўлиқ чиқиб кетишини маълум қилди.
Жаҳонгир Қўзиев
