Трамп АҚШда криптовалюта захираси яратмоқчи
Бунинг учун махсус ишчи гуруҳ ҳам тузилади.
Трамп рақамли активлар ҳақидаги фармонига таяниб, янги крипторезерв яратилишини маълум қилди. 23 январда имзоланган ушбу ҳужжатда криптовалюталар тилга олинган бўлсада, давлат захираси ҳақида аниқ маълумот берилмаган.
Бу фармон асосида президент маслаҳатчиси раҳбарлигида махсус ишчи гуруҳ тузилган бўлиб, унинг таркибига молия вазири, бош прокурор, савдо вазири ва бошқа расмийлар киритилган. 2 март куни Трамп айнан шу гуруҳ крипторезервни ташкил қилишини тасдиқлади.
Трамп крипторезерв таркибига XRP (Ripple), SOL (Solana) ва АДА (Cardano) киритишни режалаштираётганини айтди. Бу хабардан сўнг ушбу криптовалюталар нархи 10-35 фоизга ошди. Бошқа криптовалюталар, жумладан, биткоин ҳам қимматлашди.
Трамп бу ташаббусни криптоиндустрияни ривожлантириш ва АҚШни жаҳон криптовалюта марказига айлантириш учун муҳим қадам деб баҳолади.
