Туркия осмонидан метеорит учиб ўтди
Уни бир нечта шаҳар аҳолиси кўришган.
Жумадан шанбага ўтар кечаси Истанбул ва Туркиянинг бошқа шаҳарлари аҳолиси метеорит учишига гувоҳ бўлишди.
Ушбу ҳодиса Бурса, Ялова, Кожаэли, Бартин, Зонгулдак, Карабук, Чанқири ва Сорумда ҳам кузатилган.
“Бу омилларнинг барчаси (ҳажми, тезлиги, таркиби) турли хил рангларга олиб келади, бу эса ҳар бир метеорит ҳодисасини ўзига хос ва визуал таъсирчан табиий ҳодисага айлантиради”, дейилади мамлакат космик агентлиги баёнотида.
Эслатиб ўтамиз, ўтган йилнинг сентябрь ойида ҳам Туркиянинг жануби-шарқида метеорит учиши қайд этилганди.
