Turkiyaning Kayseri viloyatidagi Erjiyes tog‘-chang‘i kurortida BMT xodimi halok bo‘ldi. Bu haqda Sabah nashri xabar bermoqda.
Uch nafar Kanada fuqarosi 2700 metr balandlikda kurortdagi maxsus jihozlangan chang‘i yo‘lagidan chiqib ketgan va qor ko‘chkisi ostida qolgan.
Natijada ulardan biri vafot etdi.
Qayd etilishicha, qurbon bo‘lgan 45 yoshli erkak BMTning Turkiyaning Gaziantep shahridagi vakolatxonasi xodimi bo‘lgan. Meteorologlarning maʼlumotlariga ko‘ra, chang‘i markazi hududida shamol tezligi soatiga 25 km ga yetgan.
Avvalroq Karpatda ayol va bola Hoverladan qor ko‘chkisi ostida qolgani xabar qilingandi.