Туркияда давом этаётган ўрмон ёнғинлари космосдан суратга олинди
Туркиянинг космик разведка сунъий йўлдошлари мамлакатдаги ўрмон ёнғинлари ва уларнинг оқибатларини суратга олди.
Суратлар Туркия Мудофаа вазирлиги томонидан чоп этилди.
Юқори аниқликдаги сунъий йўлдошлар орқали Манавгат ва Мармарисдаги ўрмон ёнғинлари ва уни ўчирилгандан кейинги ҳолат ёзиб олинган. Фотосуратда ўрмонлар кулга айланганини кўриш мумкин.
Мутахассисларнинг таъкидлашларича, бу расмлар ёнғинларни ўчиришга ёрдам беради.
Маълумот ўрнида айтиш керакки, Туркияда ўрмон ёнғинлари 27 июль куни бошланган. 1 август ҳолатига кўра табиий офат қурбонлари сони олти кишига етган. 98 та ёнғиннинг 88 таси ўчирилган. 29 июль куни Эрдоған ҳукумат ёнғинни ўчириш учун барча кучларни сафарбар қилганини айтган эди. Президент маъмуриятининг хабар беришича, ёнғинларни ўчиришга 1,1 мингдан зиёд техника, шу жумладан, Россиянинг учта Бе-200 амфибия самолёти жалб қилинган. 30 июль куни Бодрум сайёҳлик шаҳри мэри Аҳмед Арас ўрмон ёнғини ўчирилгани ва эвакуация қилинган сайёҳлар меҳмонхонага қайтарилганини эълон қилгани ҳақида ёзган эдик.
