Туркманистон мактабларида ўтиш имтиҳонлари бекор қилинди
Ўтиш имтиҳонларининг бекор қилиниши билан ўқув жараёни кўпроқ амалий ва интерактив ёндашувларга асосланган бўлади.
Туркманистонда бу йилдан бошлаб мактаб ўқувчилари ўртасида ўтказиб келинадиган "ўтиш имтиҳонлари" бекор қилинди. Ушбу янгилик 12 йиллик ўрта таълим концепциясини жорий этиш доирасида амалга оширилмоқда.
Расмий маълумотларга кўра, қарор таълим тизимини соддалаштириш, ўқувчиларнинг ортиқча босим остида қолишини олдини олиш ва сифатли билим беришга эътиборни кучайтириш мақсадида қабул қилинган.
Ўқитувчилар, ота-оналар ва ўқувчиларнинг ўзлари бу ўзгаришни ижобий қарши олиб, таълим тизимидаги янги ёндашувларни қўллаб-қувватламоқда. Таъкидланишича, ўтиш имтиҳонларининг бекор қилиниши билан ўқув жараёни кўпроқ амалий ва интерактив ёндашувларга асосланган бўлади.
