Украина Ташқи ишлар вазири истеъфога чиқмоқчи
Шунингдек, Украинада яна уч вазир истеъфога чиқишини эълон қилди.
“Украинская правда” нашри манбаларига кўра, Дмитрий Кулебанинг биринчи ўринбосари Андрей Сибига янги ташқи ишлар вазири бўлиши мумкин.
Шунингдек, Украинанинг Стратегик саноат вазири Александр Камишин, Адлия вазири Денис Малюска ҳамда Атроф-муҳитни муҳофаза қилиш ва табиий ресурслар вазири Руслан Стрелец истеъфога чиқишга ариза топширди. Уларнинг аризалари Олий Рада депутатлари томонидан кўриб чиқилади, йиғилиш бугун бўлиши кутилмоқда.
Шу билан бирга, Зеленскийнинг фармони билан Президент девони раҳбари ўринбосари Ростислав Шурма ишдан бўшатилди.
