Украина урушни қўллаб-қувватлаган россияликларнинг Ўзбекистонда концерт беришига муносабат билдирди
Аввалроқ Маданият ва туризм вазири ўринбосари Украинадаги урушни қўллаб-қувватлаётган россиялик санъаткорларнинг Ўзбекистондаги концертларига тўсиқ йўқлигини айтганди.
Ўзбекистон маданият ва туризм вазири ўринбосари Баҳодир Аҳмедов Ўзбекистонда санъат учун ҳеч қандай тўсиқ йўқлиги ва Украинадаги урушни қўллаб-қувватлаётган россиялик санъаткорларнинг Ўзбекистонда режалаштирилган концертларига ҳеч қандай тўсиқ йўқлигини айтганди. Украинанинг Ўзбекистондаги элчихонаси бунга муносабат билдирди.
Элчихона хабарида келтирилишича, урушни қўллаб-қувватловчи россиялик санъаткорларнинг Ўзбекистондаги чиқишлари урушни қўзғатишга қаратилган жиноий фаолиятни қўллаб-қувватлаш ва бу Ўзбекистон обрўсига таҳдид солиши мумкин.
«Бундан ташқари, россиялик қўшиқчилар томонидан олинган маблағлар улар томонидан уруш, терроризм ва Украина халқининг геноцидини молиялаштириш учун ишлатилиши мумкин. Элчихона ушбу масала бўйича Ўзбекистон ваколатли органларига тегишли мурожаат юборди.
Элчихона урушни қўллаб-қувватловчи россиялик санъаткорларнинг чиқишлари учун Ўзбекистоннинг концерт майдонларидан фойдаланишга қарши чиққан ўзбек жамоатчилигига ўз миннатдорчилигини билдиради», — дейилади элчихона хабарида.
