<h4 class="mt0" style="text-align: justify;">O&lsquo;zbekiston Respublikasi Prezidentining qarori</h4>
Keyingi yillarda O&lsquo;zbekistoning UNESCO bilan hamkorligi yangi bosqichga ko&lsquo;tarildi. Mamlakatimizning jahon hamjamiyatidagi obro&lsquo;sini yanada oshirish va mustahkamlashda, ikki va ko&lsquo;p tomonlama hamkorliklarni kengaytirish va chuqurlashtirishda UNESCOmuhim platforma vazifasini o&lsquo;tab kelmoqda.
&nbsp;
Buning natijasida 2017-2023-yillarda milliy madaniy merosimizning 14 ta noyob namunasi UNESCOning ro&lsquo;yxatlaridan joy olib, insoniyat merosi sifatida xalqaro miqyosda e&rsquo;tirof etildi. Buxoro shahri Ijodkor shaharlar tarmog&lsquo;iga kiritildi. 2023-yil sentyabr oyida UNESCO Bosh qarorgohida buyuk mutafakkir va qomusiy olim Ab-u Rayhon Beruniy tavalludining 1050-yilligi keng nishonlandi.
&nbsp;
Ayniqsa, 2023-yil 7-22-noyabr kunlari Parij shahrida bo&lsquo;lib o&lsquo;tgan UNESCO Bosh konferensiyasining 42-sessiyasi yakunida O&lsquo;zbekiston Respublikasining UNESCO Bosh konferensiyasining 43-sessiyasini (keyingi o&lsquo;rinlarda &ndash; Sessiya) 2025-yilda Samarqand shahrida o&lsquo;tkazish to&lsquo;g&lsquo;risidagi tashabbusi bir ovozdan qo&lsquo;llab-quvvatlangani jahon hamjamiyati tomonidan muhim voqea sifatida e&rsquo;tirof etildi.
&nbsp;
Ushbu nufuzli xalqaro anjumanni yuqori darajada o&lsquo;tkazishga har jihatdan puxta tayyorgarlik ko&lsquo;rish, shuningdek, O&lsquo;zbekiston va UNESCO hamkorligini yanada rivojlantirish maqsadida:
&nbsp;
1. 2025-yilda UNESCO Bosh konferensiyasi 43-sessiyasining Samarqand shahrida o&lsquo;tkazilishiga tayyorgarlik ko&lsquo;rish bo&lsquo;yicha tashkiliy qo&lsquo;mita&nbsp;(keyingi o&lsquo;rinlarda &ndash; Tashkiliy qo&lsquo;mita) tuzilsin hamda uning tarkibi 1-ilovaga muvofiq tasdiqlansin.
&nbsp;
2.&nbsp;Tashkiliy qo&lsquo;mita (A.N.&nbsp;Aripov):
Sessiyani o&lsquo;tkazish bilan bog&lsquo;liq barcha tashkiliy masalalarni&nbsp;hal qilib borsin, shuningdek, axborot-tahliliy va boshqa hujjatlarning o&lsquo;z&nbsp;vaqtida va sifatli tayyorlanishini ta&rsquo;minlasin;
&nbsp;
Sessiyaning Samarqand shahrida o&lsquo;tkazilishining ahamiyati haqida yuqori sifatli&nbsp;media mahsulotlar&nbsp;hamda&nbsp;audiovizual asarlar yaratib, ularni mahalliy va xorijiy ommaviy axborot vositalarida efirga berib borish, ijtimoiy tarmoqlarga joylashtirish,&nbsp;xeshteg&nbsp;va&nbsp;chellenj&nbsp;kabi usullarni qo&lsquo;llash orqali&nbsp;keng targ&lsquo;ib qilish&nbsp;choralarini ko&lsquo;rsin;
&nbsp;
Sessiyaning Samarqand shahrida o&lsquo;tkazilishi munosabati bilan&nbsp;&ldquo;Samarqand &ndash; jahon tamaddunlari chorrahasida&rdquo; kitob-albomni o&lsquo;zbek, rus, ingliz va fransuz tillarida chop etish,&nbsp;pochta markalari&nbsp;va&nbsp;konvertlar turkumini yaratish,&nbsp;taqvimlar&nbsp;va&nbsp;ko&lsquo;rgazmali targ&lsquo;ibot vositalari,&nbsp;esdalik tangalari, kumush va oltin tangalarning muomalaga chiqarilishini tashkil qilsin;
&nbsp;
Sessiya doirasida Samarqand shahrida tadbirlar o&lsquo;tkaziladigan joylarni zamonaviy texnik va telekommunikatsiya uskunalari bilan jihozlasin hamda Toshkent va Samarqand shaharlaridagi obyektlar va&nbsp;zarur bo&lsquo;lgan mehmonxona fondini tayyorlasin;
&nbsp;
Sessiya doirasida Toshkent, Samarqand, Buxoro, Xiva va Shahrisabz shaharlarida madaniy tadbirlar, ekskursiyalar va qabullarni yuqori saviyada tashkil etsin;
&nbsp;
Sessiya ishtirokchilarining kelishi va ketishi, ularga viza rasmiylashtirish, transport va tibbiy xizmatlar ko&lsquo;rsatish masalalari samarali hal qilinishini muvofiqlashtirsin.
&nbsp;
3.&nbsp;Sessiya&nbsp;&ldquo;Silk Road Samarkand&rdquo; sayyohlik majmuasida&nbsp;o&lsquo;tkazilsin.
&nbsp;
4.&nbsp;Sessiyaga tayyorgarlik doirasida:
&nbsp;
Madaniy meros agentligi Madaniyat va san&rsquo;atni rivojlantirish jamg&lsquo;armasi, Iqtisodiyot va moliya vazirligi bilan birgalikda &ndash; Samarqand shahridagi tegishli&nbsp;madaniy meros obyektlarini asrashga doir ishlarni hamda&nbsp;immersiv va mavzuli ko&lsquo;rgazmalarni tashkil etsin;
&nbsp;
Tashqi ishlar vazirligi &ndash; UNESCO Bosh direktori nomiga O&lsquo;zbekiston Respublikasining Madaniy yodgorliklarni saqlash va&nbsp;restavratsiya qilish bo&lsquo;yicha xalqaro tadqiqot markaziga a&rsquo;zo bo&lsquo;lishi&nbsp;uchun rasmiy ariza topshirsin;
&nbsp;
UNESCO ishlari bo&lsquo;yicha milliy komissiya &ndash; O&lsquo;zbekistondagi shaharlar, noyob madaniy va tabiiy meros obyektlarini tegishlicha UNESCOning Ijodkor shaharlar&nbsp;hamda&nbsp;Ta&rsquo;limni targ&lsquo;ib etuvchi shaharlar&nbsp;tarmoqlariga, shuningdek,&nbsp;xalqaro ro&lsquo;yxatlariga kiritish&nbsp;choralarini ko&lsquo;rsin;
&nbsp;
Madaniyat va san&rsquo;atni rivojlantirish jamg&lsquo;armasi &ndash; UNESCO mezonlari asosida va xorijiy ekspertlarni jalb etgan holda Samarqand shahrida Buyuk ipak yo&lsquo;li davlat muzeyini tashkil etish, sohibqiron&nbsp;Amir Temur bog&lsquo;larini qayta tiklash,&nbsp;Bibixonim majmuasini restavratsiya qilish, Umumjahon merosi ro&lsquo;yxatiga kiritilgan&nbsp;Buxoro tarixiy markazini muhofaza qilishga qaratilgan uning master va menejment rejalarini ishlab chiqish bo&lsquo;yicha tegishli qarorlar loyihalarini belgilangan tartibda kiritsin;
&nbsp;
Qoraqalpog&lsquo;iston Respublikasi Vazirlar Kengashi, viloyatlar va&nbsp;Toshkent shahar hokimliklari, tegishli vazirlik va idoralar Tashqi ishlar vazirligi bilan birgalikda &ndash;&nbsp;Sessiyaning mamlakatimizda o&lsquo;tkazilishining ahamiyatini, shuningdek,&nbsp;O&lsquo;zbekiston jahon siyosatining markazlaridan biriga, global tashabbuslar muallifiga aylanib borayotganini&nbsp;atroflicha ochib berishga qaratilgan targ&lsquo;ibot-tashviqot ishlarini tashkil etsin.
&nbsp;
5.&nbsp;Quyidagilar:
2025-yilda UNESCO Bosh konferensiyasi 43-sessiyasining Samarqand shahrida o&lsquo;tkazilishiga tayyorgarlik ko&lsquo;rish bo&lsquo;yicha &ldquo;yo&lsquo;l xaritasi&rdquo;&nbsp;2-ilovaga muvofiq;
&nbsp;
2025-yilda UNESCO Bosh konferensiyasi 43-sessiyasining Samarqand shahrida o&lsquo;tkazilishiga tayyorgarlik ko&lsquo;rish doirasida xorijiy davlatlarda targ&lsquo;ibot ishlarini tashkil etadigan O&lsquo;zbekiston Respublikasining xorijdagi&nbsp;diplomatik vakolatxonalari va oliy ta&rsquo;lim muassasalari&nbsp;ro&lsquo;yxati&nbsp;3-ilovaga muvofiq tasdiqlansin.
&nbsp;
Tashkiliy qo&lsquo;mita, Oliy ta&rsquo;lim, fan va innovatsiyalar vazirligi, Tashqi ishlar vazirligi, tegishli vazirlik va idoralar ushbu qarorga muvofiq&nbsp;davlatchiligimiz rivojining uch ming yildan ziyod tarixi, jahon sivilizatsiyasiga beqiyos hissa qo&lsquo;shgan buyuk ajdodlarimizning ilmiy, madaniy va ma&rsquo;naviy merosi hamda mamlakatimizda amalga oshirilayotgan&nbsp;islohotlar natijalarini xorijiy davlatlarda keng targ&lsquo;ib qilish&nbsp;hamda ular bilan hamkorlik aloqalarini yanada rivojlantirish chora-tadbirlarini belgilangan tartibda amalga oshirsin.
&nbsp;
6.&nbsp;Belgilansinki:
Madaniyat va san&rsquo;atni rivojlantirish jamg&lsquo;armasi Tashkiliy qo&lsquo;mitaning&nbsp;Ishchi organi&nbsp;(keyingi o&lsquo;rinlarda &ndash; Ishchi organ) hisoblanadi;
&nbsp;
&ldquo;InterForum&rdquo; davlat unitar korxonasi Sessiyani tashkil etishga tayyorgarlik ko&lsquo;rish bo&lsquo;yicha&nbsp;Bosh operator&nbsp;hisoblanadi;
&nbsp;
vazirliklar va idoralarning birinchi rahbarlari ushbu qarorda nazarda tutilgan topshiriqlar, shuningdek, Tashkiliy qo&lsquo;mita hamda Ishchi organning boshqa tezkor ko&lsquo;rsatmalari o&lsquo;z vaqtida va sifatli bajarilishi uchun shaxsan javobgar hisoblanadi.
&nbsp;
7.&nbsp;Tashqi ishlar vazirligi Sessiya ishtirokchilari uchun Ishchi organning viza talabnomalariga binoan kirish vizalarini konsullik yig&lsquo;imlari va haqiqiy xarajatlarning o&lsquo;rnini qoplash hisobidan yig&lsquo;imlar undirmasdan, zarur hollarda &ldquo;Toshkent&rdquo; va &ldquo;Samarqand&rdquo; xalqaro aeroportlarida rasmiylashtirishni ta&rsquo;minlasin.
&nbsp;
8.&nbsp;2024-yil 1-apreldan boshlab&nbsp;O&lsquo;zbekiston Respublikasining chet davlatlardagi diplomatik vakolatxonalari, konsullik muassasalari va xalqaro tashkilotlar huzuridagi vakolatxonalarining umumiy shtat birliklari sonini o&lsquo;zgartirgan holda O&lsquo;zbekiston Respublikasining UNESCO huzuridagi Doimiy vakolatxonasi (keyingi o&lsquo;rinlarda &ndash; Doimiy vakolatxona) shtatlar jadvaliga maslahatchi va ikkinchi kotib ikkita qo&lsquo;shimcha shtat birligi kiritilsin, shuningdek, Doimiy vakolatxonaga qo&lsquo;shimcha bitta transport vositasini saqlashga limit ajratilsin.
&nbsp;
9.&nbsp;Tashqi ishlar vazirligi Doimiy vakolatxonani saqlash xarajatlarini uning tashkiliy-shtat tuzilmasidagi o&lsquo;zgarishlarni va&nbsp;qo&lsquo;shimcha bitta transport vositasini saqlashga limit ajratilganini inobatga olgan holda, O&lsquo;zbekiston Respublikasining 2024-yilga mo&lsquo;ljallangan Davlat byudjeti parametrlarida Tashqi ishlar vazirligiga ajratilgan mablag&lsquo;lar doirasida moliyalashtirishni ta&rsquo;minlasin.
&nbsp;
10.&nbsp;O&lsquo;zbekiston Milliy axborot agentligi, O&lsquo;zbekiston Milliy teleradiokompaniyasi, O&lsquo;zbekiston milliy media assotsiatsiyasi,&nbsp;&ldquo;Dunyo&rdquo; axborot agentligi va boshqa ommaviy axborot vositalariga Sessiyaning mamlakatimizda o&lsquo;tkazilishining ahamiyati hamda ushbu qaror doirasida amalga oshirilayotgan ishlarni keng yoritib borish tavsiya etilsin.
&nbsp;
11. O&lsquo;zbekiston Respublikasi Prezidentining 2018-yil 3-oktyabrdagi &ldquo;O&lsquo;zbekiston Respublikasining Birlashgan Millatlar Tashkiloti huzuridagi Ta&rsquo;lim, fan va madaniyat masalalari bo&lsquo;yicha (UNESCO) doimiy vakolatxonasi faoliyatini samarali tashkil etish chora-tadbirlari to&lsquo;g&lsquo;risida&rdquo;gi PQ&ndash;3957-son qaroriga 4-ilovaga muvofiq o&lsquo;zgartirishlar kiritilsin.
&nbsp;
12. Mazkur qarorning ijrosini samarali tashkil qilishga mas&rsquo;ul etib UNESKO ishlari bo&lsquo;yicha O&lsquo;zbekiston Respublikasi milliy komissiyasi raisi G.O.Umerova va tashqi ishlar vaziri B.O.Saidov belgilansin.
&nbsp;
Qaror ijrosini nazorat qilish O&lsquo;zbekiston Respublikasi Bosh vaziri A.N.Aripov va O&lsquo;zbekiston Respublikasi Prezidenti Administratsiyasining Ijtimoiy rivojlanish departamenti rahbari O.Q.Abduraxmonov zimmasiga yuklansin.
&nbsp;

UNESCO Bosh konferensiyasining 43-sessiyasi Samarqand shahrida o‘tkaziladi

Konferensiyaga tayyorgarlik ko‘rish bo‘yicha chora-tadbirlar to‘g‘risida prezident qarori e'lon qilindi.

Qamchiq dovonida mashina xandaqqa tushib ketdi

Moturidiylik: bag‘rikenglik va maʼrifatga asoslangan aqidaviy meros

Namangandagi ko‘p qavatli uyda yong‘in chiqdi

Qirg‘izistonda “Xitoy – Qirg‘iziston – O‘zbekiston” temir yo‘lidagi tunnel qurilishi boshlandi

Toshkentda avtomobil va mototsikl to‘qnashib ketdi

Xorazmda maktab direktori o‘quvchilarni kaltakladi

O'zbekiston

Kategoriyalar

Bog'lanish uchun

Elektron manzil

Shahodatnoma

Tahririyat manzili

G'oya muallifi