Хитойда оила қуриш камайиб кетмоқда
Мамлакатда демографик инқироз кучайди.
Хитойда рўйхатга олинган янги никоҳлар сони бу йил рекорд даражада пасайиши кутилмоқда, дея ёзмоқда CNN нашри.
Қайд этилишича, никоҳ ва туғилиш сонининг кескин пасайиши Пекин учун жиддий муаммо ҳисобланади. Ҳукумат ишчи кучи камайишидан тобора кўпроқ хавотирланмоқда.
Статистикага кўра, 2024 йилнинг дастлабки уч чорагида Хитойда 4,74 миллион жуфтлик никоҳдан ўтган. Бу ўтган йилнинг шу даврига нисбатан 16,6 фоизга кам бўлиб, ўшанда 5,69 миллион никоҳ қайд этилганди.
Мамлакат аҳолиси кетма-кет икки йил давомида камаймоқда, ўтган йили эса туғилиш даражаси 1949 йилда Халқ Республикаси ташкил этилганидан бери энг паст кўрсаткични қайд этган
