Xitoy janubi-g‘arbidagi Yunnan provinsiyasida 5,5 magnitudali zilzila sodir bo‘ldi. Bu haqda "Sinxua" agentligi xabar berdi.
Xitoy seysmologik tarmoqlar markazi ma’lumotlariga ko‘ra, zilzila milliondan ortiq aholi istiqomat qiluvchi Litszyan shahriga ta’sir qilgan. Hozirga qadar eng kamida Kamida 15 kishi jarohat olgani xabar qilinmoqda. Qurbonlar haqida rasmiy ma’lumot yo‘q.
Zilzila manbayi 10 kilometr chuqurlikda joylashgan. Vayrona ostida qolganlarga yordam ko‘rsatish uchun voqea joyida mahalliy o‘t o‘chirish brigadalari va 60 kishidan iborat qidiruv-qutqaruv guruhi ishlamoqda.
Eslatib o‘tamiz, avvalroq Yaponiyaning 26 ta prefekturasida 6,1 balli yer silkinishi sodir bo‘lgandi.
Shuningdek, Gaitida ro‘y bergan zilzila oqibatida ham 300 dan ortiq odam hayotdan ko‘z yumgani haqida xabar berilgandi.
Nasiba To'xtayeva
