Хитойда рўй берган зилзила оқибатида 15 киши жароҳат олди
Жойларда қидирув-қутқарув ишлари олиб борилмоқда.
Хитой жануби-ғарбидаги Юннан провинсиясида 5,5 магнитудали зилзила содир бўлди. Бу ҳақда "Sinxua" агентлиги хабар берди.
Хитой сейсмологик тармоқлар маркази маълумотларига кўра, зилзила миллиондан ортиқ аҳоли истиқомат қилувчи Литсзян шаҳрига таъсир қилган. Ҳозирга қадар энг камида Камида 15 киши жароҳат олгани хабар қилинмоқда. Қурбонлар ҳақида расмий маълумот йўқ.
Зилзила манбаи 10 километр чуқурликда жойлашган. Вайрона остида қолганларга ёрдам кўрсатиш учун воқеа жойида маҳаллий ўт ўчириш бригадалари ва 60 кишидан иборат қидирув-қутқарув гуруҳи ишламоқда.
Эслатиб ўтамиз, аввалроқ Япониянинг 26 та префектурасида 6,1 балли ер силкиниши содир бўлганди.
Шунингдек, Гаитида рўй берган зилзила оқибатида ҳам 300 дан ортиқ одам ҳаётдан кўз юмгани ҳақида хабар берилганди.
НасибаТўхтаева
