Хоразмлик аёл 3 фарзандини ёқиб юбормоқчи бўлди
Ҳозирда ҳолат ИИБ томонидан ўрганилмоқда.
Ижтимоий тармоқларда Хоразм вилояти Урганч туманида аёл уч нафар фарзандини ёқиб юбориш билан қўрқитгани акс этган видеолар тарқалди. Ҳолатга Болалар омбудсмани матбуот хизмати муносабат билдирди.
Қайд этилишича, ҳолатни тўла аниқлаш бўйича ИИО томонидан зудлик билан суриштирув ишлари олиб боришга киришилган. Мазкур ҳодиса Болалар омбудсманининг алоҳида назоратига олинган.
"Болаларга нисбатан бундай жиноий ҳаракатлар уларнинг ота-онаси ёки бошқа яқин қариндошлари томонидан содир этилишидан қатъий назар, айбдор шахсларни қонунда кўзда тутилган жавобгарликка тортиш чоралари кўрилиши таъминланади", дейилади хабарда.
