Евроиттифоқ шу ой охиригача Россияга қарши янги санкцияларни эълон қилади
11-пакет россиялик бизнесменларга ҳам таъсир қилиши мумкин.
Европа Иттифоқи апрель ойи охиригача Россияга қарши 11-санкция пакетини қабул қилиши мумкин. Қайд этилишича, чекловлар Туркия, Қозоғистон ва араб давлатларига аллақачон киритилган санкцияларни айланиб ўтишнинг олдини олиш механизмини назарда тутади.
Маълумотларга қараганда, 11-санкция пакети бу сафар россиялик бизнесменларга ҳам таъсир қилиши мумкин. Шунингдек, янги пакетда Россияга санкцияларни четлаб ўтишга ёрдам бераётганларга қарши "иккиламчи санкциялар" бўлиши режа қилинган. Бундан ташқари, Европарламент Россия ядро секторига, жумладан, «Росатом» давлат корпорациясига қарши санкциялар қўллаш имкониятини алоҳида кўриб чиқмоқда. Унга кўра, санкциялар директорлар кенгаши аъзоларига, шунингдек, янги шартномаларга тааллуқли бўлиши мумкин.
