Британияга қарашли Теркс ва Кайкос ороллари яқинида сирли қайиқ топилди

Британияга қарашли Теркс ва Кайкос ороллари яқинида сирли қайиқ топилди. Унинг бортида 20 кишининг, жумладан 2 боланинг жасади бўлган. Ҳукумат уларнинг ўлимига нима сабаб бўлганини ва қурбонларнинг шахсини аниқламоқда.

 

24 июнь тонгида балиқчилар Гранд-Терк соҳили яқинида чайқалаётган қайиқни кўриб қолишган. Унга яқинлашгач, жасадларни кўриб, полициянинг денгиз бўлинмаси билан боғланишган.

Полициянинг расмий вакилининг сўзларига кўра, терговчилар ўлимга қотиллик ёки ҳужум сабаб бўлган деб ўйлашмаяпти. Одамларнинг ўлимига олиб келган бошқа тафсилотлар сир сақланмоқда.

Полиция комиссари Тревор Боттингнинг айтишича, қайиқ Кариб ҳавзасидан сузиб келган бўлиши мумкин. Кубадан ғарбда ва Доминикандан шимолроқда жойлашган Теркс ва Кайкос унинг нишони бўлмаган.

Британиянинг Теркс ва Кайкос ороллари қашшоқликдан қутулмоқчи бўлган Гаити аҳолиси орасида машҳур. Ороллардан одатда эмигрантлар учун дастлабки қолиш пункти сифатида фодаланилади.

 

Шарофат Маҳмудова