Франциялик ёш йигит ва унинг қариндошлари 11 млн евро давлат пулини ўзлаштирди
Кўзбўямачилар 3 мингдан ортиқ корхонанинг идентификация маълумотларини сохталаштириб, уларнинг номидан молиявий ёрдам олган.
Франциялик ёш йигит ва унинг қариндошлари 11 млн евро давлат пулини ўзлаштирди. Бу пуллар коронавирус пандемияси билан боғлиқ инқироз даврида корхоналарга ёрдам учун ажратилган.
Кўзбўямачилар 3 мингдан ортиқ корхонанинг идентификация маълумотларини сохталаштириб, уларнинг номидан молиявий ёрдам олган. Оила тунда Франциядан қочиб кетишга уринган. Бир кун олдин тизим иштирокчиларидан бири барча банк карталари музлатилганини сезиб қолган. Гап нимадалигини тушунган 30 ёшли эркак хотини ва икки фарзадини уйғотади. Улар Цвейцарияга машинада етиб олиб, у ерда Тель-Авивга учишни режалаштирган. Аммо улар аллақачон кузатувда бўлган.
Энди эркак, унинг хотини ва отасига нисбатан уюшган кўзбўямачилик, “пулларни ювиш”, жиноий тил бириктириш ва суд текшируви давомида мулкини яшириш айбловлари қўйилган.
Тинтув вақтида оёқ кийими қутисидан 1,7 млн евро нақд пул, 230 минг евролик соат, тилла ва олмос тақинчоқлар топилган, банк карталаридаги 630 минг евро блокланган. Тергов маълумотларига кўра, 11 млн евродан ортиқ маблағ ноқонуний йўл билан ўзлаштирилган.
Фирибгарлик афераси 2020 йилда Франция ҳукумати COVID-19 давридаги ишсизликка қарши курашишга қарор қилганидан бошланган. Ўшанда кичик компания янги иш ўринлари очилишига мингдан ортиқ шубҳали ариза топширган. Компания бошлиғи эса айланувчи эркак бўлган.
Шарофат Маҳмудова
