Ўзбекистонга яна 1 млн доза ўзбек-хитой вакцинаси олиб келинди
29 июнь куни Ўзбекистонга яна 1 миллион доза ZF-UZ-VAC2001 вакцинаси олиб келинди.
29 июнь куни Ўзбекистонга яна 1 миллион доза ZF-UZ-VAC2001 вакцинаси олиб келинди. Бу ушбу вакцинанинг мамлакатга келтирилган 6-партияси ҳисобланади, деб хабар беради ССВ матбуот хизмати.
Бундан олдин
- 27 мартда — 1 миллион доза,
- 27 апрелда — 1 миллион доза,
- 18 майда — 1 миллион доза,
- 19 майда — 500 минг доза,
- 10 июнда — 1 миллион доза партиялари келтирилган эди.
Шундай қилиб, Ўзбекистоннинг вакцина захираси 6,4 миллион дозага етмоқда. Айни пайтга қадар шундан 3,4 миллион дозадан ортиғи вакцинация жараёнларида қўлланилган. Мамлакатда июнь ойи охиригача 4 миллион кишини коронавирусга қарши эмлаш режалаштирилган. Ўзбекистонда коронавирусга қарши эмланувчилар гуруҳи яна кенгайди. Энди 50 ёш ва ундан катталар бепул вакцина олиши мумкин. Тошкентда 28 июндан 18 ёшдан катта бўлган барча қатлам коронавирус инфекциясига қарши давлат бюджети маблағлари ҳисобидан ихтиёрий тарзда оммавий эмланади.
Таъкидланишича, 30 июнь куни ZF-UZ-VAC2001 вакцинасининг яна 1 миллион дозаси келтирилиши кутилмоқда.
