Римдаги Колизей ташриф буюрувчилар учун гопогей майдонини очди.

 Бу ҳақда Колизей директори Альфонсина Руссо эълон қилди. 

Унинг сўзларига кўра, гипогей – ерости хоналари, тоннеллар, йўлаклардан иборат бўлиб, бу ерда йиртқич ҳайвонлар сақланган ва бу жой “ёдгорлик ичидаги ёдгорлик” ва Колизейнинг саҳнаорти майдони саналади.  У ерга 160 метр узунликдаги кўприк орқали тушиш мумкин.

Сўнгги марта гипогейдан 523 йилда фойдаланилган ва шундан сўнг у тупроқ ва шағар билан қопланган. XIX асрга келибгина археологлар бу майдонни топишган.

2011 йилда хусусий инвесторлар маблағи билан Колизейни реконструкция қилиш бошланди. Лойиҳа 25 млн еврога тушган, унда 80 дан ортиқ мутахассис иштирок этган. Гипопеядаги таъмирлаш ишлари 2018 йилда якунига етган. Меъморий обида 2023 йилда тўлиқ реставрация қилиб бўлинади. Сўнгги босқич сайёҳларга аренада юришга имкон берувчи ёғоч полнинг ўрнатилиши булади.