0
Тожикистон ҳудудига “Толибон” билан бўлган жангда чекинган 300дан ортиқ афғон ҳарбий хизматчилари киритилди
Бу ҳақда Тожикистоннинг “Ховар” AA маълум қилган.
Хабарда айтилишича, Aфғонистон Ислом Республикаси ҳарбий қуролли кучлари шиддатли қаршиликлардан сўнг, шахсий таркибни сақлаб қолиш мақсадида Тожикистон Республикасининг қўриқланадиган чегара ҳудудидан ўтишган. Қайд этилишича, чегара ҳарбийлари инсонийлик ва яқинқўшничилик муносабатларини инобатга олган ҳолда, афғон ҳарбийларига 5- “Истиқлол” ва 6- “Саригор” чегара постидан ўтишга рухсат беришган. Таъкидланишича, икки мамлакат чегарасидаги ҳолат тўлиқ назоратга олинган.
