"Москва кўз ёшларга ишонмайди" фильми учун Оскар мукофотини қўлга киритган Владимир Меньшов вафот этди
Россиялик режиссёр Владимир Меньшов 82 ёшида коронавирус асоратлари оқибатида вафот этди, деб хабар беради «Мосфильм» матбуот хизмати.
Айтилишича, у июнь ойининг охирларида коронавируснинг енгил формаси билан оғриган. Аммо касалликни енгиб ўта олмади.
Театр, кино ва телевидение актёри, кинорежиссёр, сценарист, продюсер ва телебошловчи россиялик Владимир Валентинович Меньшов 1939 йилнинг 17 сентябрь куни Бакуда туғилган. Меньшов Россияда хизмат кўрсатган санъат арбоби, Россия халқ артисти, «Москва кўз ёшларга ишонмайди» фильми учун «Оскар» мукофотининг «Хорижий тилдаги энг яхши фильм» номинациясида лауреат бўлган.
Таъкидлаш жоизки, Меньшов ўзбекистонлик режиссёр Зулфиқор Мусоқовнинг «Абдуллажон ёки Стивен Спилбергга бағишланади» фильмида ҳам суратга тушган.
