Россия газидан воз кечишни режалаштирган Польша 1950 йиллар режаси асосида АЭС қурмоқчи
Кўмир иссиқлик энергостанциялари ва тикланадиган қувват манбалари мамлакат талабини қондирмайди. Американинг суюлтирилган гази эса қиммат.
Аммо польшалик сиёсий кучлар шунга қарамай, арзон Россия газидан воз кечиш ғояси тарафдори. Масалани ечиш учун Варшава ўз эътиборини тарк этилган АЭС лойиҳасига қаратди.
Гданск яқинидаги станция қурилиши 2010 йилдан бери бир неча марта тўхтатилган. Бунга қўшни Германиянинг норозилиги сабаб бўлган. Шунга қарамай, Варшава атом энергетикасини ривожлантириш миллий ғоясини асраб қолди.
АҚШ Дональд Трамп даврида полякларга 6 та реактор қуриб беришни ваъда қилган эди, аммо админстрация алмашгач, объект қурилиши тўхтаб қолди.
