Тошкентдаги метро қурилишида 899 миллион сўм талон-торож қилинган
Республика Транспорт прокуратураси сўнгги пайтларда муаммолар кўп кузатилаётган Тошкент метрополитенида ўрганиш ишларини олиб борди. Бу ҳақда «Ўзбекистон 24» телеканали орқали маълум қилинди
Қайд этилишича, жорий йилнинг май-юнь ойларида “Тошкент метрополитени” корхонасидаги ўрганишлар давомида масъул мансабдор шахсларнинг ўз хизмат вазифасига масъулиятсизлиги оқибатида жами 650 та инсон омили билан боғлиқ камчиликлар топилган.
Шунингдек, сўнгги 6 ой ичида Тошкент метрополитени билан боғлик жами 11 та носозлик юзага келган.
Таъкидланишича, ҳозирда 899 миллион сўм маблағнинг талон-торож қилиниши юзасидан тегишли тартибда чора кўрилиб, жиноий иш қўзғатилган.
