Aмериканинг Alphabet Inc Google корпорациясига кирувчи компаниялар ва Facebook Inc., Twitter Inc., компаниялари Гонгконг ҳукуматига огоҳлантириш берди
Компаниялар агар ҳукумат маълумотлар ҳимоясини ўзгартириш бўйича режасини амалга оширишда давом этса, натижада бу компаниялар шахсий маълумотларни ноқонуний тарқатиш бўйича жавобгар бўлиб қолса, ҳудудда хизмат кўрсатишни тўхтатишини билдирган.
Asia Internet Coalition гуруҳига кирувчи технологик компаниялар Гонгконг ҳукуматига йўллаган мактубда раҳбариятнинг режалаштирилган ўзгаришлар бўйича хавотири акс этган.
Бу хавотир ижтимоий тармоқ фойдаланувчиларининг интернетга жойлаётган постлари туфайли компания ходимларига нисбатан жиноий иш қўзғатилиши билан боғлиқ.
Гонгконг ҳукумати май ойида маълумотлар ҳимояси бўйича қонунчиликка ўзгартириш киритишни таклиф қилган.
