АҚШ “босим кампаниялари”дан воз кечмоқчи

 

 

Қайд этилишича, мамлакат расмийлари Вашингтонга жиддий иқтисодий зарар етказмаслик учун бошқа давлатларга қарши "кенг кўламли босим кампанияларидан" воз кечиш ниятида.

 

Қўшма штатлар расмий идорасида фаолият юритувчи вакил "Биз сўнгги тўрт йил ичида АҚШ сиёсатини шакллантирган бир томонлама ҳаракатлардан кўра, шерикларимиз билан аниқ ишлашга диққатимизни қаратяпмиз", дея маълум қилган. Вашингтон санкцияларни сиёсий мақсадларига эришишга қаратилган бошқа жиҳатларни қамраб олган  қатор дипломатик чораларнинг бир қисмига айлантирмоқчи.  Шу боис, Байден маъмурияти ёз охиригача мамлакатнинг санкциявий сиёсатини кўриб чиқади.

Доналд Трамп иқтисодий чекловларни  Эрон, Венесуэла ва Шимолий Кореяга босим ўтказишда қўллаган. Аммо, бундай сиёсат узоқ муддатли натижалар бермади ва геосиёсий майдонда ҳам туб ўзгаришларга олиб келмаган. 

 

Хабарда айтилишича, аввалроқ Россия ташқи ишлар вазирининг ўринбосари Сергей Рябков Америка ҳукумати томонидан Россияга нисбатан санкциялар ёрдамида босим кучайиб бориши муқаррарлигини эълон қилганди. "Қўшма Штатлар санкциялар сиёсатидан шунчаки воз кеча олмайди, ҳатто унинг бефойда ва самарасизлигини тушунсада", деганди у.