Буюк Британия Афғонистонга қўшинлари чиқарилганидан сўнг зарба бериши мумкин
Лондон Афғонистон ҳудудидаги террористик таҳдидларга махсус миссияни ташқаридан амалга ошириш модели орқали қарши тура олади.
Буюк Британия терроризмга қарши курашни давом эттириш учун қўшинларини мамлакатдан олиб чиқиб кетганидан сўнг зарба бериш ҳуқуқини ўзида қолдирди. Бу ҳақда мудофаа вазирининг ўринбосари Жеймс Хиппи маълум қилди.
Сиёсатчининг таъкидлашича, Лондон Афғонистон ҳудудидаги террористик таҳдидларга махсус миссияни ташқаридан амалга ошириш модели орқали қарши тура олади.
У Сурия ва Ироқдаги “Исломий давлат” жангариларига қарши курашда Британия ҳарбий хаво кучларининг иштирокини назарда тутувчи "Shader" операциясини эслади. "Шуни биламанки, Афғонистонда воқеалар шу тариқа ривожланиши юзасидан таҳмин қилиб режа қилганлар айнан шу йўналиш ҳақида ўйлашмоқда", - дея хулоса қилди Хиппи.
Эслатиб ўтамиз, 2014 йилдан буён Shader операцияси доирасида Лондон ИШИД террорчиларининг объектларига 2 мингдан ортиқ ҳаво зарбаларини йўллаган.
