АҚШда қутқарув операцияси тўхтатилди
АҚШнинг Майами-Дейд округи мэри Даниэлла Ливайн Кава Сёрфсайдда қулаб тушган турар-жой қурбонлари сони 64 тага етгани ва 76 киши бедарак йўқолганлар рўйхатида эканини эълон қилди.
Бир кун олдин Флорида ҳукумати 2 ҳафтадан ортиқ давом этган қутқарув операциясини тўхтатишини эълон қилди. Чунки орадан шунча вақт ўтиб, вайроналар остида омон қолганлар борлигига умид қолмади.
Серфсайддаги 12 қаватли уй 24 июнь тунида қисман қулаган эди. Қутқарувчилар вайроналар остидан 37 нафар омон қолганларни олиб чиқишган. Биринчилардан бўлиб қутқарилган 10 ёшли бола зудлик билан шифохонага етказилган. Аммо кейинчалик фақат жасадлар вайроналар остидан олиб чиқилган.
Шарофат Маҳмудова
