Америка "мия маркази" Ўзбекистонни АҚШнинг Марказий Осиёдаги муҳим стратегик ҳамкори деб атади
The Heritage Foundation эълон қилган "Ислоҳотларга тайёр Ўзбекистон АҚШнинг Марказий Осиёдаги стратегик ҳамкорига айланади" сарлавҳали мақолада Ўзбекистон ва АҚШ ўртасидаги икки томонлама муносабатлар стратегик ҳамкорликнинг янги эрасига ўтгани қайд этилади.
Ўз навбатида, Америка томони Ўзбекистоннинг ҳудуддаги мамлакатлар билан яқин алоқасини маъқуллаши ва ички ислоҳотларда қўллаб-қувватлашини билдирган.
Бундан ташқари, АҚШ давлат котиби Энтони Блинкен ҳам Ўзбекистон ҳудуд хавфсизлиги ва ривожланишида муҳим ҳамкор эканини таъкидлаган.
Мақолада алоҳида эътибор Ўзбекистон президенти томонидан амалга оширилаётган ва мамлакатга очиқ ва иқтисодий ривожланган давлат бўлиш имконини бераётган ислоҳотларга қаратилган.
