АҚШ ва Россия президентлари телефон орқали суҳбатлашди

 

 

Суҳбат чоғида Байден Путиннинг эътиборини россиялик хакерларнинг ҳужумларига қаратди. Бу ҳақда Оқ уй матбуот хизмати хабар қилмоқда.

Байден Россия маҳаллий хакерлар гуруҳи фаолиятига чек қўйиш бўйича чора кўриши кераклигини таъкидлади. У, шунингдек, АҚШ ўз халқи ва ўта муҳим инфратузилмасини бундай доимий ҳужумлардан ҳимоя қилиш учун барча чораларни қўллашини айтди. 

Бундан ташқари президентлар Женевада ўтказилган саммитдан сўнг жамоалари бажарган ишларни муҳокама қилишди.
Путин ва Байденнинг Женевадаги учрашуви 16 июнь куни бўлган эди. Саммитдан сўнг Америка етакчиси Россия президентига киберҳужумларга учраши керак  бўлмаган 16 та асосий сектор рўйхатини берган. Bloomberg хабарига кўра, рўйхатга мудофаа саноати, энергетика ва молиявий институтлар киритилган.  

Оқ уй вакили  Жен Псаки брифингда " телефон суҳбати қарийб 1 соат давом этганини эълон қилди.

Шарофат Маҳмудова