АҚШ - Хитой савдо уруши кескинлашди
АҚШ Савдо вазирлиги Хитойнинг 14 компаниясига қарши санкциялар киритди. Endilikda ushbu kompaniyalar bir qancha to‘siqlarga duch kelishadi.
Бунга ушбу компаниялар мажбурий меҳнатдан фойдаланганлиги сабаб қилиб кўрсатилмоқда. Эндиликда ушбу компаниялар бир қанча тўсиқларга дуч келишади. Жумладан, агар улар АҚШдан ускуналар сотиб оладиган бўлса, АҚШ ҳукуматидан рухсат олишлари керак . Шунингдек, акциялари АҚШ биржаларида савдо қилинадиган компаниялар учун ҳам маълум тўсиқлар пайдо бўлди. Июнь ойида ҳам Вашингтон Хитой компанияларига ва бир қанча давлат ташкилотларига санкциялар қўллаган эди.
АҚШ 2019-йилдан бери Хитойнинг йирик компанияларига қарши санкциялар жорий қилиб келади. АҚШнинг собиқ президенти Д.Трамп админстрацияси Хитойнинг етакчи технологик гигантларини қора рўйхатга киритган эди. Улар орасидаги энг машҳури Huawei компаниясига киритилган санкция бўлган.
