Чеченистон раҳбари лавозимига уч киши даъвогарлик қилмоқда
Чеченистон Республикаси раҳбари лавозимига 9 июл ҳолатига кўра уч номзод кўрсатилган. Номзодларни кўрсатиш босқичи якунланди, дея хабар беради республика сайлов комиссияси.
"Ягона Россия" партиясининг минтақа бўлимидан Чеченистоннинг ҳозирги раҳбари Рамзан Қодиров, Коммунистик партиядан - Чеченистон парламенти депутати Холид Накаев, "Адолатли Россия - ватанпарварлар ҳақиқат учун" партиясидан номзод республика ҳукумати маъмурияти раҳбарининг ўринбосари Исо Ҳожимуродовлар сайловда рақиб бўлишди.
Номзодлар ўзларини қўллаб-қувватлаш учун муниципалитетларнинг вакиллик органлари депутатларининг 179 та имзоларини тўплашлари керак, шундан 22 таси - Чеченистон республикаси шаҳар округлари вакиллик органлари депутатлари имзоси бўлиши керак.
Чеченистон раҳбари учун сайловлар 19 сентябр куни бўлиб ўтади.
