Қотиллик режасини режалаштирган шахс қўлга олинди
Гаити полицияси мамлакат президенти Жовенель Моизга суиқасдни ташкиллаштиришда гумонланаётган шахсни қўлга олди.
Бу ҳақда Гаити миллий полицияси раҳбари Леон Шарль хабар берди.
“Босқинчилар биринчи бўлиб Эмманюэль Санонга қўнғироқ қилишган. У ҳозир назорат остида”, - деди Шарль ўз чиқишида.
Қайд этилишича, Санон Венесуэланинг Қўшма Штатларда яшовчи хавфсизлик бўйича мутахассислари билан алоқада бўлган.
Бундан ташқари, Шарлнинг сўзларига кўра, қўлга олинган шахс Гаити фуқароси. У “қотиллик режаси”ни ишлаб чиққанлардан бири бўлиши мумкин.
7 июль тунида Гаити президентининг қароргоҳига номаълум шахслар ҳужум қилган эди. У кўплаб жароҳатлар туфайли вафот этган.
Гаити миллий полицияси раҳбари Леон Шарль бу ишда камида 26 нафар Колумбия фуқаросининг алоқаси борлигини айтган.
