Трамп сайловда яна номзодини қўядими?
АҚШнинг 45 президенти Дональд Трамп 2024 йилги сайлов бўйича бир қарорга келганини эълон қилди.
Аммо у юзага келиши мумкин бўлган мураккабликлар туфайли бу қарорини ошкор қилмаслигини ҳам айтди.
“Ҳозирча омма олдида очиқ гапира олмайман, чунки бу кампанияни молиялаштиришга таъсир қилиши мумкин. Аммо мен ўз жавобимни аниқ биламан”, - деди Трамп.
Бундан ташқари, Трапм консерватив сиёсий фаолият конференцияси ўтказадиган аноним сўровномада кўп овоз олди.
Собиқ президентни партиядошларининг 70 фоизи қўллаб-қувватлаган.
Иккинчи ўринни Флорида штати губернатори Рон Десантис эгаллади. Унга республикачиларнинг 68 фоизи овоз берган. Собиқ давлат котиби Майк Помпео биринчи учталикка кирди.
