Россиядаги МДҲ мигрантлари охирги пайтда ватанига қанча пул юборгани маълум бўлди
Россияга МДҲ мамлакатларидан келган муҳожирлар ўз ватанига юборадиган маблағ миқдори камайгани ҳақида хабар берилди.
Маълум қилинишича, 2021 йилнинг биринчи чорагида ўтказмалар ҳажми ўтган йилнинг шу даврига нисбатан 13,5 фоизга камайган ва 1,85 миллиард долларни ташкил этган.
Барча давлатлар орасида фақат Ўзбекистонга пул ўтказмалари ўсган. Бир йил давомида ҳамюртларимиз республикага аввалги даврга нисбатан 12,4 фоиз кўпроқ ёки 680,4 миллион доллар жўнатганлар.
Туркманистон эса бошқа мамлакатлар билан таққослаганда энг катта пасайишни кўрсатган: ўтган йилнинг биринчи чорагида ушбу республикага 0,8 миллион доллар, бу йил эса атиги 0,1 миллион доллар жўнатилди.
Россия Федерациясидан Арманистонга (4,2 фоизга, 113,1 миллион долларга) ва Белоруссияга (4,3 фоизга, 102,9 миллион долларга) юборилган пул ўтказмалари эса деярли ўзгаришсиз қолган.
